Мақсаты: зергерлік бұйымдарды насихаттау,зергерлік бұйым түрлерімен таныстыру,зергерлік бұйымдар туралы ой қорыту.

Тәрбиелік мәні: Зергерліктің өнер екенін ұғындыру,мамандық ретінде қабылдауға тәрбиелеу,зергердің өнерін бағалау.Күмістің емдік қасиетін,күміске байланысты халықтық ырымдарды білу.

Көрнекілігі: Зергерлік бұйым түрлері,слайдтар,көрме.

                                       Сабақтың барысы:

1 )Ұйымдастыру

2)Қонақты қарсы алу

Кіріспе:

 Қазақтың халықтық зергерлік өнері ұлттық мәдениет тарихынан ерекше орын алады.Өнердің бұл түрінің түп төркіні мыңдаған жыл әріде жатыр.Қазба жұмыстары кезінде табылған бұйымдардағы қолтаңбалар ежелгі өнердің көркемдік деңгейінің биік болғанынбайқатады.Зергерлер көбінесе бағалы металдардың ішіндег іең қолайлысы күмісті пайдаланған. Қазақ зергерлері күмістің жалтыраған түсін,әр түрлі формалар жасауға қолайлылығын шебер пайдаланған.Сауда дамуына байланысты қазақ жайылған Ресейдің күміс және алтын ақшасы,Қытайдың қой тұяқ,тай тұяқ жамбыларынан сәндік бұйымдар жасады.Күмісті,алтынды,асыл тастарды сәндік бұйым жасатушылар өздері тауып берді.Кейбір зергерлер өз күмісінен де сәндік бұйымдар жасап сататын болған.

1-оқушы:  Зергерлердің көп жасаған бұйымдарының қатарына әйелдерге арналған әшекейлер жатады.Күміс әшекейлерді алтынмен аптап,түрлі асыл тастармен көз салып әрлеу кең етек алған.Әйел әшекейінің ең қымбаты ұзатылатын қыздың үйінен киіп шығатын бас киімі- сәукеле.Алтын,күміс әшекейлері,гауhар,інжу тастары мол сәукелелердің құны тіпті қымбат болды. Сәукелеге үкі,аяқ қолтықша,шекеліктер тағылды.