Бу бәйрәм 1 класста Әлифба китабын тәмамлагач үткәрелә. Бәйрәмгә әти - әниләр чакырыла.     Зал бәйрәмчә бизәлә , стенага «Рәхмәт сиңа , әлифбам» дигән язма эленә,  матур язу  , математика дәфтәрләре , балаларның ясалган рәсемнәреннән күргәзмә оештырыла. Төрле дәрес , бәйрәм , экскурсияләр барышын сурәтләгән күрсәтмә материаллар әзерләнә  һәм бәйрәм барышында экраннан күрсәтелә. Алдан ук укытучы балаларга шигырьләр өйрәтә, җырлар , биюләр өйрәтә. Шулай ук бәйрәмдә зуррак сыйныф укучылары да катнаша. Алар төрле әкият геройлары булып чыгыш ясыйлар.