Якташыбыз Нәби Дәүли иҗаты буенча мәктәптә бик күп  чаралар үткәрелә. Укучыларыбыз якташыбызның иҗаты, тормыш юлы белән кызыксыналар, аның безнең районда туу белән горурланып шигырьләр язалар. Әлеге интеллектуаль бәйгедә укучылар һәр елны яратып катнашалар.Һәр елны ниндидер яңалык кертергә тырышалар.1977  елда  Нәби  Дәүлине  "Участник антифашистского движения в лагере смерти Бухенвальд-Дора» медалебелән  бүләкләү  турында указга кул куела. Ни кызганыч, ул бу турыда белмичә , якты  дөньядан китә.1990 нчы  елда гына  медаль  якыннарына тапшырыла.  Нәби аганы күргән , аның шигырьләрен үз авызыннан ишетеп калу бәхетенә ирешкән зат буларак , йөрәгем белән һаман аңлап бетерә алмыйм : кайдан килгән шундый тыйнак кешегә мондый олы талант , мондый төкәнмәс илһам ?! Сорауларыма җавап эзлим аның шигырьләреннән.  Аның “ яшәү белән үлем арасында “ узган гомере юлларыннан эзлим .

  Һәм җавап табыла сыман – туган җир һавасы гына , аның чишмә сулары гына  шунда , янәшәдә гомер кичергән , беренче адымында таяныч булып , гомереңнең соңгы мизгелендә дә сине җаныңа якын иткән кешеләр  генә ул көчнең , ул илһамның , ул талантның

чыганагы ” дип яза  танылган журналист Ил Газиз .