Ой-өрісті өсіретін ойын мектеп бағдарламасына енуі қажет пе?

Шахмат. Қарым мен қабілет, амал мен айла, ақыл мен сабыр тартысқа

түсетін айқас алаңы. Осы­нау ойынды спорт түрі деп бағалайды. Өзінің

қадым заманнан бері қасықтап жинаған атақ-абыройы жағынан шахмат кез

келген спорт тү­рінен салмақты, салиқалы. Егер естіген болсаңыз, Англияда

жарық көрген ең алғашқы кітап шах­мат­қа арналған екен. Осының өзі

адамзаттың арғы-бергі даму тарихында шахматтың алатын алабөтен рөлін

айшықтап тұр. «Қазақстан – білім қоғамы жолында» атты дәрісінде

Елбасының шах­матты мектеп бағдарламасына кіргізу туралы айт­ылған

ұсынысы да тектен-тегін туындаған жоқ.Елімізде Тәуелсіздік алғаннан бері

өгіз аяңнан танбай, етек-жеңі жиналмай келе жатқан спорт түрлері бар.

Олардың атын атап, түсін түстемей-ақ қоялық. Осынау ойын түрлерінен

елдің намысын жыртып жүрген спортшылардың әлемдік аренадағы

сәтсіздіктері де етсіңісті болып алды.