Тақырыбы: Қазақстан халқы Ассамблеясының 20 жылдығына арналған «ЫНТЫМАҚ, БІРЛІК, КЕЛІСІМ – ЕҢ БАСТЫ БАЙЛЫҚ ЕЛ ҮШІН» атты мерекелік жиын.

Мақсаты: Оқушыларға Қазақстан Республикасы әлемде ең алғашқы мемлекеттердің бірі болып сырттан келген басқа ұлт өкілдеріне алтын бесік болғандығын ұғындыру.Қазақстандық патриотизмге, елін, жерін сүюге және халқын құрметтеуге тәрбиелеу. Басқа ұлт өкілдерінің мәдениетін, әдет-ғұрпын сыйлауға үйрету.

БАРЫСЫ:
1 - жүргізуші: Қайырлы күн, ардақты ұстаздар мен оқушылар!
2 - жүргізуші: 1 мамыр – Қазақстан Республикасының мекендеген ұлттар мен ұлыстар достығы және бірлігі күніне арналған «Ынтымақ, бірлік, келісім – ең басты байлық ел үшін» атты мерекелік жиынымызға қош келдіңіздер.
1 - жүргізуші: Қазақ жері – қонақжай төрдің жері,
Қазақ елі – қас сақтай ердің елі.
Толқынында тарихтың қуғын көрген,
Барша ұлтқа құт мекен болған еді.
Зобаланда көп шеккен қасіретті,
Ұлт ұрпағы өнерлі, өсиетті.
Риза көңілменен елге деген,
Арнайды барша халқы ақ тілекті.