Дәресләрне кызыклы итеп оештыру - укучыларда математика фәненә карата кызыксыну уята. Шуңа күрә укытучы һәр дәрескә әзерлекле булырга һәм яңа алымнар куллануга омтылырга тиеш. Бу гаять зур тырышлык сорый. Бигрәк тә укучыларга яңа информацион - коммуникатив технологияләр кулланган дәресләр ошый. Әлеге презентацияне кулланып дәрес үткәрү - вакланмалар белән эшләүне ныгыта, математик белемнәрне тирәнәйтә; тормыштан мәсьәләләр чишү - укучыларның математик сөйләм телләрен, аралашучанлыкларын, группалап эшләү алымнарын ныгыта. Укучы иптәшләренә дөрес бәя биреп, дустанә мөнәсәбәтләрне саклаган хәлдә көч сынашырга өйрәнә.