Сабақтың тақырыбы: Екілік код. Сабақтың   мақсаты: Білімділік:  Оқушыларға ақпаратты кодтаудың әртүрлі тәсілдерін және екілік код ұғымымен таныстыру, меңгерту Дамытушылық: Оқушылардың пәнге қызығушылығын арттыру, ойлау қабілеттерін дамыту және интерактивтік тақтамен жұмыс істей білуге баулу. Тәрбиелік: Оқушыларды тәртіпке, ұқыптылыққа, ұжымда жұмыс істей білуге, достарына керек кезінде көмек көрсетулеріне бағыт беру. Білім мен білікке қойылатын талаптар: Екілік кодтауды білу неге қажет екенін, код кестесін пайдаланып тура және кері кодтау тәсілдерін меңгерту. Сабақтың типі: Жаңа технологияны пайдалану арқылы, практикалық  элементтерді енгізе отырып жаңа материалды түсіндіру сабағы. Сабақтың құрал – жабдықтары: v  Интерактивтік тақта – флипчарттар; v  Сабақтың ақпараттық картасы. Сабақтың жүрісі:   I – Ұйымдастыру кезеңі:  Сабақтың мақсатымен таныстыру. Үш топқа бөліп отырғызу (1 - 2 мин)   II – Қайталау:  «Ақпаратты кодтау» тақырыбы бойынша өтілген материалдарды қайталауды ұйымдастыру: 1 -3 флипчарттармен жұмыс.        - Балалар, біз бүгін жаңа тақырыпты меңгеруіміз керек, бірақ ол қандай тақырып екенін әзірше сендерге айтпаймын. Оны өткен тақырыпты қайталап алған соң өздерің айтып бересіңдер. -          Өткен сабақтарда ақпаратты кодтау дегеніміз не? – деген сұраққа қандай жауап берген едіңдер, естеріңе түсіріп көріңдерші!