*        Аблязиз Велиев 1939 сенеси октябрь 25-те Судакъ районынынъ Къоз коюнде догъды. Беш яшында экенде, халкъымызнен берабер, сюргюнликке огъратылды. О вакъытта бабасы дженкте офицер эди. Андан къайтып кельмеди.Аблязиз Велиев 1957 сенеси Самаркъанд виляетининъ Къарадарья (Каттакъургъан) районында орта мектепни битирди.1958 сенеси Ташкентке кельди, трамвай-троллейбус трестине ишке кирди, сонъра арбий хызметке чъагъырылды. Андан къайтып кельген сонъ, Ташкент девлет университетининъ журналистика факультетине окъумагъа кирди ве айны вакъытта Ташкент токъумаджылыкъ комбинатында уста ярдымджысы оларакъ чалышып башлады. 1962 сенеси онъы комбинатта чыкъкъан «Токъумаджылар овозы» («Токъумаджылар давушы») чокънусхалы газетасына ишке авуштырдылар. Анда эдебий хадим, болюк мудири, месуль кятип вазифелеринде чалышты.