Солтүстік  Африканың қойнауы пайдалы қазбаларға: мұнай, табиғи газ, фосфорит, темір, марганецке бай.Жерорта теңізі жағалауында ірі портты қалалар – Касабланка, Рабат, Александрия, Триполи, Алжир, Тунис орналасқан.

Орталық Африка  артта қалған елдер қатарына жатады. Экспортқа алмас, мақта, кофе, темекі, ағаш шығарылса, импорт ретінде азық-түлік, машиналар, химия өнеркәсібі өнімдері, мұнай өнімдері т.б. әкелінеді.

Батыс Африка  шаруашылығы дамыған.Нигерияда мұнай мен табиғи газ, Гвинея елінде алмас пен алюминий, Гана мен Либерияда алтын, Нигерде уран кездеседі.Елде – каучук, кофе, майлы пальма, какао, банан, ананас, маниок, батат, сорго, жүгері, қант құрағы, жер жаңғағы өсіріледі.

Шығыс Африка жарылыстар ы бойында таралған магмалық жыныстардың құрамында сирек кездесетін – кобальт, вольфрам, хром, титан және бағалы –алтын, платина, түсті –мыс, мырыш металдардың мол қоры бар.

Оңтүстік Африка көпшілік бөлігін саванналар, ал таулы бөліктерді субтропиктік ормандар алып жатыр.Аймақтағы жетекші ел –Оңтүстік Африка Республикасы.Онда табиғат байлықтары (алтын, алмас,платина, уран, темір, хром, мыс, тас көмір, марганец) мол.Гидротехникалық қорларға да бай.