Бұл сабақ 8-сыныптың алгебра курсындағы "Квадрат түбірлері бар өрнектерді түрлендіру" тақырыбын өткеннен кейін тарауды жүйелеп, қайталау үшін өткізіледі.

Сабақтың мақсаттары:

1.білімділік – оқушылардың тақырып бойынша алған білімдерін тереңдетіп, жинақтау, жүйелеу, бекіту.

2.дамытушылық – логикалық ойлау қабілеті мен дағдыларын жетілдіру, белсенділіктерін, математикаға деген қызығушылықтарын арттыру;

3.тәрбиелік – оқуға, саналы сезімге, жауапкершілікке, өз бетінше еңбектенуге, өзара ынтымақтастыққа тәрбиелеу.

Осы сабақты өткізу арқылы арифметикалық түбірдің қасиеттерін, оларға амалдар қолдану мен түрлендіру, бөлшектің бөліміндегі иррационалдықтан құтқару амалдарын оқушылар санасында жаңғыртып, тереңдету. Сабақта топтық жұмыс арқылы оқушылар өзара көмек көрсете отырып, өз кемшіліктерін дер кезінде жөндеуге және талдауға үйренеді.