Сабақтың мақсаты:

1. Оқушыларға жаңа тақырып бойынша түсінік беру,  эссе   жазуға үйрету.

 2. Оқушылардың ой – өрісін дамытып, сөйлеу дағдыларын қалыптастыру.

3. Оқушыларды үлкендерді сыйлауға, құрметтеуге, ата – аналарын тыңдауға тәрбилеу.

Сабақтың барысы

I. Ұйымдастыру   кезеңі.

Амандасу. Менің аты – жөнім- Жұмагүл Тоқышқызы.Қазір қай жыл мезгілі? Күздің айлары қандай? Бүгін аптаның қай күні? Сыныпта кім кезекші? Сыныпта кім жоқ? Қазір дәптерлердің сырттарын толтырамыз.

II. Сөздік  жұмысы.

5 б. сөздерді көшіріп аламыз. Сөздерді оқып, аударып, қазақ тіліне тән дыбыстарға  тоқтаймыз.

III.  Мәтінмен  жұмыс істеу.

5 б. оқып, аударамыз.Мұндай сұрақтарға жауап береміз.

-         Бұл мәтінде кім туралы  айтылған?

-         Бұл мәтінде қазақ отбасы туралы айтылған.

-         Қазақ отбасы неше ұрпақтан тұрады?

-         Олар кімдер?

-         Олар – ата мен әже, әке мен ана, бала.

IV. Жаңа тақырып.

Эссе дегеніміз не?

6 б. оқып , аудару.

V. Бекіту кезеңі.

7 б. Сұрақтарға жауап беріп эссе жазғызу.

6 б. Кесте бойынша отбасы мүшелерінің сәйкес келетін сипаттарын тауып айтыңдар. (ауызша)

Ата мен әже - отбасының ең құрметті адамдары.  Ата мен әжелер немерлеріне ертегі, қызық әңгіме, әртүрлі жырлар айтып береді. Ата мен әжелер отбасының  бірінші ақылшысы деп есептеледі.

Әке – отбасының басшысы, асыраушысы қамқоршысы. Әкені ана да, балалар  да құрметтейді.

Ана –отбасының беріктігін сақтаушы. Ана – отбасының сыйластығын орнатады. Ана әкені сыйлау арқылы балаларына үлгі көрсетеді. Ана - отбасындағы  татулық ұйытқысы.

Бала – отбасының ең үлкен байлығы. Ата – анасын  сыйлап өскен   бала өзгелерді құрметтеуге үйренеді.Бала әкені ренжітпес үшін тәртіпті, еңбекқор, білімді, ұқыпты болуға тырысады.

VI.  Қорытынды.

Балалар сабақта не туралы білдік? Сабақтың тақырыбы не болды?

VII. Үй тапсырмасы.

5 б. мәтіннің мазмұнын айтып келу, сөздерді жаттап келу.