Қазіргі таңда білім беру жүйесінде болып жатқан түбегейлі өзгерістер оқыту үрдісінде озық технологияларды жете меңгеріп,сабақты заман талабына сай әртүрлі тәсілдер қолдану арқылы жаңаша әдістемелікпен өткізуді талап етеді. Сабақта интербелсенді тақтаны қолдану арқылы  тақырыпқа қатысты слайд-шоу, бейнетаспаларды көрсету, техникалық құралдарда тиімді пайдалану арқылы әр сабақты жаңаша әдістемелікпен өткізуге болады.  Тіл үйренудің күрделі үдіріс екенін әркім де мойындайды. Он бір жыл мектепте шет тілін оқып, арнаулы орта, жоғарғы оқу орнына түскеннен кейін де студенттердің «Шет тілі» пәнін бастауыш деңгейден бастап оқуы соған дәлел. Неге соншама жыл оқып, үйренсе де, шет тілінде еркін сөйлеу дәрежесіне жету мүмкін емес? Батыс тіл мамандары тілді тек оқып, жазып қана үйренбей, өте көп тыңдағанда ғана дұрыс сөйлеп үйренуге болады деген тұжырымға келген. Студенттерге шет тілін меңгертуде, бір-бірімен тілдік қарым-қатынасқа түсуінде тыңдалым жұмыстарының маңызы өте зор.