Сезнең игътибарыгызга татар теленнән «Бәхетле очрак» дип исемләнгән,  Татарстан Республикасының тарихына, мәдәниятына, сәясәтенә багышланган уен-дәрес конспекты һәм презентациясе тәкъдим ителә. Дәрес материалын урта сыйныфларда класстан тыш уку дәресендә яки бәйләнешле сөйләм үстерү дәресендә, дәрестән тыш чаралар үткәргәндә кулланырга мөмкин. Дәреснең максатлары: укучыларда укуга, татар теле һәм әдәбияты фәненә карата аңлы караш булдыру;  укучыларның сөйләм телен, дөньяны танып – белү, күзаллауларын арттыру, баету; тел культурасын үстерү; укучыларга үз мөмкинлекләрен тормышка ашыру, сәләтләрен үстерү өчен өстәмә мөмкинлекләр тудыру; эзләнергә, мөстәкыйль эшләргә өйрәтү; татар теленә,  төбәккә, аның күренекле кешеләренә карата ихтирам, хөрмәт, горурлык, мәхәббәт хисләре тәрбияләү.