Қазіргі кезде мектептердің 12 жылдық білім беруге ауысуына байланысты,  мұғалімдерді жаңа формация талабына сай дайындалып жатқаны барлығына мәлім. Осыған орай балаларды тәрбиелеуде дәстүрлі сабақтардан бас тартып, жаңаша әдіс-тәсілдермен тәрбиелеуді көздеудеміз. «Егерде елімізде бейнелеу өнері пәніне басқа пәндердге қарағанда көбірек көңіл бөлінсе, болашақта еліміз ең мәдени дамыған ел болар еді!» деп Жапон ойшылдары айтқандай, болашақта еліміздің мәдени дамуы үшін өнерге көбірек көңіл бөлген жөн дегенмен келісемін. Бағдарламаларда берілген бір сағат бейнелеу өнерінің барлық кереметтерін танып білу үшін жеткіліксіз. Сондықтан қосымша бейнелеу өнері пәні сабақтарының еңгізілуі қажет болып отыр. «Бейнелеу өнері» пәні оқушылардың білімдерін белсенді іске асыруларына бағытталады. Сонымен қатар бағдарламамен жұмыс жасау оқушылардың бейнелеу өнері туралы толыққанды білімдерін қалыптастырады. Пәнді тереңірек оқып білуге мүмкіндік береді.