Бұл тақырып аясында әлі күнге дейін сыры сыр сандықта бұққан жұмбақ жайттар көп. “Өлемін” деп өздерін  өлімші етіп санайтындар. “Өлемін” деп ақыры өз жанын жаһаннамға жіберетіндер. “Өлемін” деп жүріп жарық өмірмен қоштасқысы келмейтіндер аз емес. Бірақ, өкінішке орай, біздің елде өз-өзіне қол жұмсайтын оқиғалар көбейіп кетті. Әсіресе, жастар, жасөспірімдер арасында. Суицидтің ауласында жүргендер олар айтқандай ақыл-есін сайтан   арбағандар, психологиялық ақауы барлар, саналы ойлау қабілетін жоғалтқандар, соқыр сезім жетегінде  кеткендер ғана емес. Олар айтатындай, сүйіктісінен айырылғанда, жүйкесі тозғанда, немесе кедейшіліктен, жұмыссыздықтан  осындай әрекеттерге бара бермейді. Мұның  философиялық , әлеуметтік, медициналық факторлары бар.  Суицидті  мінез-құлықтың антивальді қапаланулар (өмірдің құндылығын жоғалту), Селқос суицидті ойлар, суицидті ниеттер (өзін-өзі өлтіруге деген тілектер),   Суицидті аужаулар (өзін-өзі өлтіру үшін ыңғайлы тәсілдер іздеу арқылы жүзеге асыру) секілді түрлері бар.