Максатлар: 1. Татар телен өйрәнү даирәсен киңәйтү; 2. Татар телен өйрәнүгә кызыксыну тәрбияләү; 3. Сәләтле яшьләрне ачыклау; 4. Туган якка хөрмәт, ярату хисләре тәрбияләү; Җиһаз: проектор, экран. Үткәрү тәртибе: 7в,8а,8б сыйныфлары арасыннан иң актив 18 укучы сайлап алына. Алар өч төркемгә бүленә. Төркемнәргә исемнәр, девиз уйлап табарга бирем бирелә.(Уенда барлыгы тамашачылар белән бергә 56 укучы катнашты) Сораулар экранда яктыртыла. Һәр төркемгә аерым сораулар бирелә. Төркем җавап бирә алмаса, икенче төркем җавап биреп, үзенә өстәмә очко туплый ала. Һәр сорау 1 очко белән бәяләнә. 4 кешедән торган жюри эшли. Һәр катнашкан укучыга призлар тапшырыла. Тамашачылар белән аерым уен оештырыла. Лаеш темасына кагылышлы сораулар бирелә, яттан шигырьләр сөйләтелә. Турлар арасында 7 а, 3а сыйныфының балалары концерт номерлары күрсәтәләр: “Әссәламәгаләйкем”, “Яратыгыз” җырлары, татарча бию. (3а, 7а сыйныф укучылары “Әссәламәгаләйкем” җыры белән башлап җибәрәләр)