Презентация и план-конспект урока для 2 класса с казахским языком обучения по әдебиеттік оқу. Тема: "Жамбыл Жабаев"

Пәні: Әдебиеттік оқу
Сабақтың тақырыбы: Алатау. Ж.Жабаев 

Сабақтың мақсаты: 
Ж.Жабаевтың «Алатау» өлеңін өту барысында оқушыларға өлеңнің мазмұнын ашып, ақын суреттеген «Алатау» табиғатын сезіне білуді, мәнерлеп оқу дағдысын, сөздік қорын дамытуды, шығармашылық қиялын ұштауды, бірлесіп жұмыс істеу арқылы өз пікірін білдіріп, өзгенің ойын тыңдау арқылы табиғат сұлулығын сүйсініп, оған қамқорлық жасауға баулу.Оқытудың жаңа технологияларын пайдалану арқылы оқушыларды жеке тұлға ретінде қалыптастыру.Туған өлке табиғатын қастерлеу тақырыбы арқылы жерін,елін сүю,құрметтеуге,қорғауға тәрбиелеу.

Сабақтың түрі: жаңа білімді игерту сабағы

Сабақтың әдістері: әңгімелеу, талдау, жинақтау
Сабақтың құралы мен көрнекілігі: слайд -презентация, карточкалар, оқулық, суреттер, интерактивтік құрал-жабдық. 
                                                            Сабақтың барысы: 
1. Шаттық шеңбері: 
Оқушылар дөңгеленіп тұрады. Ортада ұстаз. 
Иіліп сәлем бердік, Атқан күнге! 
Иіліп сәлем бердік, Қонақтарға! 
Иіліп сәлем бердік, Ұстаз сізге! 
Иіліп сәлем бердік, Достар бірге! 
-оқушыларды сабаққа педагогикалық-психологиялық тұрғыда дайындау жұмысы.

Топта жұмыс жасаймыз - оқушылар топ бойынша отырады.

Оқушылар топ жетекшілерін сайлайды. 

2. Жаңа сабақтың тақырыбын ашу
1) Ой  қозғау. «Армандайық» әдісі. 
- Қанеки,барлығымыз көзімізді жұмып, мұғалімнің мәтінін тыңдай отырып армандайықшы, елестетейікші...Музыка. 

Мұғалім: Міне арайлап таң атты. Жарқырап күн нұрын шашып тұр. Күннің алтын шапағы бетімнен сүйіп алғандай болды. Жүгіріп барып терезені аштым. Үйде таудан соққан самал желдің иісі аңқиды. Көз ұшында мұнартқан, қар мен мұздың қоймасы іспеттес бұлттармен таласқан алып таудың, аспан таудың бейнесі көрінеді. Мен таза ауаны кеудемді толтыра жұтып, таудың етегінде аққан тау суына көз салдым.

   2) «Сабақтың кілтін табайық» 
      -Балалар, осы мәтінді тыңдап отырып, өздеріңді қайда жүрмін деп елестеттіңдер? 

    - Ендеше, бүгінгі сабағымызда жаңа «ТУҒАН ӨЛКЕ ТАБИҒАТЫН    ҚАСТЕРЛЕЙІК»  бөлімді бастаймыз.

   

3. Сөзжұмбақ шешу

Балалар, 232 беттегі сөзжұмбақты оқып, ауыша жауаптарды айтамыз.

Қара әріптермен қандай сөз жазылған? «ТАБИҒАТ» деген сөзді жасыру үшін неге осы сөздер алынған?

4. Барлық білім – кітапта.

-         Балалар, тақтада кімнің бейнесі тұр?  Ол -  Жамбыл Жабаев. 

-         Жамбыл  туралы қандай мәлімет білесіңдер?

«Оқушыны тыңдаймыз» әдісі – микрофонға оқушыларды сөйлету . 

1) Автор туралы мәліметтерді жинаудан басталады.

   Жамбыл Жабаев 1846 жылы туылған, 1945 жылы қайтыс болды.

   Ж.Жабаев ірі халық ақыны, айтыскер ақын .

   Оны жыр алыбы Жамбыл ата атап кеткен.

   Жамбыл ата Қазіргі Жамбыл облысының Жамбыл тауының етегінде дүниеге келген. 

-         Балалар, бірінші сыныпта Жамбылдың қай өлеңін жаттап едік? Еске түсірейік.

2) Кестені  құру.

    Балалардың мәліметтері бойыншаша, әр топ кестені толтырып шығады және      өздерінің қосымша ақпараттарын да қосады. 

3) Мұғалім: қорытындылай  кетсек

Жабаев Жамбыл (1846-1945) – қазақ халық поэзиясының әйгілі тұлғасы, өлең сөздің дүлдүлі, жырау, жыршы. Туған жері – Жамбыл облысындағы Жамбыл тауының етегі. Топырақ бұйырған жері – Алматы облысының Ұзынағаш елді мекені. Шыққан тегі – Ұлы жүз Шапырашты тайпасының ішіндегі Екей руы.

Жамбылдың өсіп-өнген топырағында ән-күй, ақындық –жыраулық өнер айрықша биікке көтерілген.

Жамбыл-жыр алыбы. Атақты Сүйінбай Аронұлынан бата алған айтыскер ақын екні ерекше атап өтіледі. 

Жамбыл мұражайы — алматы облысы , Жамбыл ауданы, Жамбыл ауылында орналасқан, тарихи және мәдени мекеме. 

Балалар, біз бүгін Жамбыл атамыздың өлеңімен танысамыз. 
  Өлең « Алатау» деп аталады. 

Біздің Республикамызда Мұғалжар, Алтай, Көкшетау,Ұлытау сияқты таулар бар. Солардың ішіндегі ең ірісі- Алатау.Еліміздің оңтүстік шығысында.Тау етегінде Алматы қаласы орналасқан, «Медеу» мұз айдыны бар.Тау іші нулы,орман тоғайлы болып келеді.Таудан аққан су өте мөлдір және екпіні қатты болады.Өзен жағалауларында түрлі жеміс ағаштары өседі.Тау басында қысы-жазы қар жатады.Алатауда әр түрлі аң-құс мекендейді.Осындай сұлу көріністер ақын өлеңіне арқау болып,сүйіспеншілікпен жырланады.

Оқулықпен жұмыс.  Өлеңді оқу. 
Оқушылардың өлеңді  тізбектеп оқуы. 

Сөздік жұмыс: ну-қалың, мұнар-бұлыңғыр, кептес-тілдесу,сөйлесу.

Топтық  жұмыс

Өлеңді идеясы бойынша талдау

Тақтада 1-топ: Ақын таулардан аққан суды қалай суреттейді?                                                  (Дариядай көресің аққан судың тамашасын)

2-топ: Ақын тау етегіндегі жемістерді қалай жырлайды?

(Қазынасы көп тіл жетпейтін

бір татсаң аузыңнан дәм кетпейтін)

3- топ: Таудың биіктігі туралы айтылған жолдарды оқығанда қандай сурет көз алдыңа келеді .

4 – топ: Өлеңнің екі жолын оқы.тулаған не? Балық қайтеді?

7. Берілген суретке зер сал  235 бет

   «Балғын суретші» конкурсы

   Топта берілген сұрақтарға жауап беріп, мәтінді құрастырындар.

6. Сергіту сәті

-          Балалар, берілген суретпен «Алатау» өлеңінің ұқсастықтары бар ма?

7. Қорытынды. Семантикалық карта . 

Ой тұжырым беріледі. Иә, жоқ деген пікір білдіреді.(- +) 

1. Алатаудың басында үнемі қар жатады. 
2. Алатаудың қары көктемде ериді. 
3. Алатаудың етегінде Алматы орналасқан 
4. Жамбыл ата-Жыр алыбы. 
5.Арыстан,аю,қасқыр,түлкі,борсық,сілеусін,жолбарыстар тауда да өмір сүреді. 
6.Алатау бөктерінде жеміс ағаштары өспейді. 
7.Таулар өзендер,аңдар ,құстар, адамдар тірі табиғатқа жатады.-деп қорытынды жасалады. 

8. Жамбыл ата 1845 жылы туды. 
9. Жамбыл - таудың атауы. 
10. Жамбыл ата -1 ғасыр өмір сүрген дана ақын. 

8. Жүректен жүрекке шеңберін құру. 
1) Табиғатты қорғау туралы пікірлерін білдіру. 

1. «Алатау» өлеңі не жайлы?