Бүген сезнең белән дуслык турында сөйләшербез. Дуслык – ул бик кыйммәтле язмыш бүләге. Дуслык безгә укырга, эшләргә, яшәргә ярдәм итә. Ул безне әйбәтрәк, яхшырак, көчлерәк итә. Кешегә дусларсыз яшәү мөмкин түгел. Дустың булу – зур байлык.    Минемчә, һәрберегезнең дусты бар. Булмаса, сезнең аны табасы килә.  Шуңа күрә кечкенәдән үк кеше-ләр белән аралаша, үзеңә дуслар сайлый белергә кирәк. Кем соң ул дус? Дус-ул синең сыйныфташың, партадашың, кечкенәдән бергә уйнап үскән күрше кызы, я малае. Дуслык – дөньяда иң кирәкле нәрсәләрнең берсе. Минемчә, дуслары булган кешеләр генә бәхетле булалар. “Йөз сумың булганчы, йөз дустың булсын”, - ди бит халык. Дуслары булган кеше беркайчан да югалып калмый.Һәр кеше дә авыр чагында  дусларына таяна.