Қазақстан – туған өлкем.

Қазақстан – Еуразиядағы жер көлемі ең үлкен мемлекеттің бірі. Қазақстанның  кең даласын, биік тауларын,  ормандарын, көлдерін көрген адам оны еш уақытта  ұмыта алмайды. Біз планетамыздың осындай сұлу, бай өлкесінде тұрамыз. Ол – біздің  Отанымыз.

Қазақ жерін Шығыс пен Батысты жалғастырған алтын көпір дейді.

Осы жерден Ұлы Жібек жолы өткен. Республикамыз – пайдалы қазбалар қоймасы.

Қазақстанда 15 миллионға жуық адам тұрады.

Каспий теңізі мен Жайық, Еділ жағалауынан Алтай тауларына дейін, солтүстікте  Орал тауларынан Тянь – Шань  тауларына дейін ұланғайыр жерді алып жатқан – Қазақстан Республикасы.

Табиғат адамның бойына қуат, көңіліне шабыт, сезіміне ләззат ұялататын  сұлулық пен әсемдік әлемі. Табиғат адам денсаулығының сақшысы, жанға дауа  шипагер.

Табиғаттың басты байлығы – жер. Қазақстан 272 миллион гектар жерді алып  жатыр. Еліміздің дәулеті – жасыл әлем. Біздің елдің орман, тоғай, жасыл шөп, түкті кілемдей көркем даласы, жайлауы бар. Табиғаттың  көркін  ажарландырып, жер бетін саялы баққа айналдыратын байлық көзі – су. Елімізде сулы өзендер, көлдер, теңіздер көп. Табиғаттың тамаша туындыларының бірі – хайуанаттар. Халқымыз  көптеген жануарларды қамқорлыққа алған. Оларды бақыттың бастамасы деп дәріптеген.

Олар: далаға ажар берген – ақбөкен, ән мен сәннің иесі – бұлбұл, су аруы – аққу. Аз  қалған жануарларды құрып кетуден сақтау үшін олардың атын «Қызыл кітапқа»      жазады. Бұл хайуанаттарды атуға, аулауға болмайды.