Түсінік хат

8-сыныпқа арналған «Химияға кіріспе» таңдаулы курс бағдарламасы оқушылардың іскерлік пен біліктілік дағдысын қалыптастыру, пәнге қызығушылығын арттыру, ойлау қабілетін дамыту, шығармашылық, ізденімпаздық қабілетін жетілдіру үшін Қазақстан Республикасы Үкіметінің 2012 жылғы 23 тамыздағы №1080 қаулысымен бекітілген Орта білім берудің (бастауыш, негізгі орта, жалпы орта білім беру)мемлекеттік жалпыға міндетті білім беру стандарты негізінде жасалды.

Бағдарламада теориялық білімдерін практикада қолдануға баса көңіл бөлінген. Оқушы дағдыларын практикалық тұрғыдан дамыту, күрделі есептерді шығарумен қатар, тест жұмысы, өз бетімен жұмысты жүйелі жүргізу іске асырылады.

         8 сыныпқа арналған «Химияға кіріспе» таңдаулы курсына 34 сағат бөлінген. Осыған орай сұрыпталған тақырыптар саны   33-ке жетті.

Бағдарламаның оқу құралы ретінде оқушының іс-әрекетіне әсері төмендегідей:

ØОқушылардың практикалық дайындығын қамтамасыз етеді;

ØОқушының логикалық ойлауы мен қиялын дамытады;

ØОқушылардың жеке шығармашылық жұмыс жүргізуіне жағдай жасалады, оқушы жаңа ақпараттық технологияларды пайдалана отырып, химия пәнін тереңірек түсінеді, оқуға, білімге құлшынысы артады.