7 нче сыйныфта  татар теле дәресендә әлеге тема үтелә. Әлеге кагыйдәләр җыелмасы  барлык сыйныфларда да диктантлар, изложениеләр язганда, бердәм республика тестированиесенә әзерләнгәндә белергә тиешле материал буларак кулланыла. Укучыларга дәрестә кулланыла торан материал буларак та кулланыла. 

7 нче сыйныфта татар теленнән белем бирү максатлары

1. Укучыларның башлангыч мәктәптә фонетик, орфоэпик, орфографик, лексик, грамматик нигезләреннән алган белемнәрен системалаштыру, катлаулырак формаларда өйрәтүне дәвам итү.
2. Укучыларның иҗади һәм мөстәкыйль фикерли алу мөмкинлекләрен үстерү, үз фикерләрен дәлилләргә күнектерү.
3. Телнең төп грамматик чараларын сөйләм процессында куллануга ирешү.
4. Татар әдәби тел нормаларын һәм стилистик мөмкинлекләрен ачык күзаллауга, аларны тиешенчә куллана белергә өйрәтү, сөйләм эшчәнлегенең үзара аралашу чарасы икәнен аңлату.
5. Баланың үзен тәрбияләү, үзе белән идарә итү, үз фикерен яклый алу сәләтен үстерү.
6. Укучының үзаңын үстерү, милләтне, ватанны яратырга өйрәтү, горурлык һәм гражданлык хисләре тәрбияләү.
7. Җәмгыятьтә яшәү кагыйдәләренә, әхлак нормаларына төшендерү.