Ныдэлъфыбзэр шIуагъэу къытырэр нахь гъэлъэшыгъэным пае, ащ зэрэрагъаджэрэр нахь тэрэзэутзэхэщэгъэн урок пэпчъ нахь шIэныгъэ куу къытэу ыгъэпсыныр кIэлэегъаджэ пэпчъ ипшъэрылъ.

       Адыгэ Республикэм иунашъоу гъэсэныгъэм фэгъэхьыгъэм къызэрэдилъытэрэр ублэпIэ классым зэкIэ предметхэр, урысыбзэм фэшъхьафхэр, кIэлэеджакIохэм адыгабзэкIэ зэрагъэшIэнэу ары.      Арышъ, адыгабзэм изэгъэшIэнкIэ пшъэрылъ зэфэшъхьафхэр къэуцух. Ахэр:

Ø  кIэлэцIыкIухэм аныбжьрэ язэхэшIыкIырэ ялъытыгъэу хэхъоныгъэ ашIыным лъапсэ фэшIыгъэныр;

Ø  имэхьанэ къагурыIозэ IупкIэу ыкIи псынкIэу текстым къеджэнхэм, хэмыукъохэу тхэнхэм, жэбзэ дахэ аIулъы хъуным афэгъэхьыгъэ амалхэр ягъэгъотыгъэнхэр;

Ø  дунаеу зыхэтхэр нахьышIоу къагурыIоу, апкъышъолкIэ пытэхэу, адыгэгъэ - цIыфыгъэ зукIокIэ дахэмрэ Iэдэбымрэ яшэнхэу яныдэлъфыбзэ шIу алъэгъоу, агъэлъапIэу, лъэпкъ гушхуагъэхэр ахэлъэу, адыгэмэ якультурэ хэшIыкI фыряIэу, дэир щагъэзыеу, дахэр къагурыIоу, дэгъоу еджэнхэу пIухэнхэр;

Ø  шIуагъэ къэзытрэ IофшIэнхэм афэщагъэхэу егъэсэгъэнхэр.