Урок падрыхтаваны згодна з каляндарна-тэматычным планаваннем для школ з беларускай мовай навучання.

Мэта дадзенага ўрока - фарміраваць уменне адрозніваць мяккія і цвёрдыя зычныя гукі ў слове і абазначаць мяккасць зычных на пісьме; удасканальваць маўленчыя навыкі.

Неабходнае абсталяванне: падручнік па беларускай мове, пісьмо ад Вожыка (з мультфільма “Смяшарыкі”), картачкі з заданнямі.

Не мала важна на ўроку стварыць спрыяльную атмасферу для работы. Гэта эфектыўна было зроблена ў час арганізацыйнага моманту.

Асобую зацікаўленасць у дзяцей выклікае на ўроку выпраўленне памылак настаўніка, ці выдуманага героя (у дадзены выпадку - гэта рэдактар нейкага невядомага часопіса).