:              Мухтав сана, Чǎваш театрĕ!                              Сан кун-çулу кĕрет юрра.                              Чǎваш çынни сана юратрĕ,                              Санра вǎл хǎй чунне курать.                                                            Чувашскому театру слава!                Поем мы в песне вновь и вновь.                Ты – наша гордость, ты по праву                Народа заслужил любовь.                                                  П.П.Хусанкай    Чǎваш академи драма театрĕ – Атǎл хĕрринче Володарски урамĕнче вырнаçнǎ, вăл 1918 çулта йĕркеленнĕ.Академи тени – сумлǎ театр, ǎсталǎхĕпе пысǎк (çÿллĕ) шая çитнĕ театр тенине пĕлтерет. Кунсǎр пуçне  Чǎваш театрĕ Шупашкарта ыттисенчен ватǎраххи. Вǎл 1918 çулта Хусанта йĕркеленнĕ, каярахпа, 1920 çулта, Шупашкара куçса килнĕ.Çак театра йĕркелесе яраканĕ Иоаким Степанович Максимов-Кошкинский. Вǎл авǎн уйǎхĕн  2-мĕшĕнче 1893-мĕш çулта Тутар республикине кĕрекен Теччĕ районĕнчи Кǎнна Кушки ялĕнче çуралнǎ. Малтанах Чĕмпĕрти чǎваш учителĕсен шкулĕнче, каярахпа Хусанти художество училищинче ǎс пухать. И.С.М.- Кошкинский – актер, режиссер, драматург, педагог.  Пĕрремĕш спектакле А.Н.Островский çырнǎ «Хǎв пурǎнас килнĕ пек ан пурǎн»(«Не так живи, как хочется») пьеса тǎрǎх лартнǎ.