Макъсат: Талебелернинъ нутукь сеслернинъ таснифи  акъкъында бильгилерини пекитюв; сезлерни эджаларгъа больмеге  ве  сатырдан сатыргъа догъру авуштырмагъа огретюв, ургъулы сезлернинъ бильгилерини пекитюв; ана тильге севги, отьмекке урьмет ашлав.

Донатув. Слайдлар, ресимлер, смайликлер, япрачыкълар,

Дере чешити.Янъы мевзу анълатув.

Дерснинъ кетишаты

I.Тешкилий къысым. (Оджа талебелерге селямынен  мураджаат эте, дерсте психологик  ве иш кейфини тешкиль эте)

   Селям алейкум севимли, балалар, урьметли оджалар. Мен сизлерни  корьгенимнен мемнюн олдым. Бугунь бизим дерсимизге, мусафирлер, оджалар давет этильдилер. Балалар, сизлер исе джиддий, дикъкъатлы олмалысынъыз. Сизлернинъ  раленъизде   3 тюрлю бетчиклер бар, кейфинъизни бильмек ичюн, сизлер бир де  бир  бетчикни (смайликни) косьтере билесинъиз.

           Лякин раатланмагъа ич чаремиз ёкъ. Дерс башламакъ вакъты кельди. Янъы бильги алмагъа азырсынъызмы?

            Эпиграф:  Ватан – Ана, Ана – миллет,

                            Миллет – бу тильдир.

      Тиль бильмеген къырымтатар,

      Айтынъыз – кимдир?

Истидатлы языджы, шаир, ватанпервер, миллетсевер, халкъына садыкъ ве улу инсан, Къырым муфтиси  Номан Челебиджиханнынъ шиары эди. 23 февраль куню 1918 сенеси Номан Челебиджихан вахшийдже ольдюриле ве Къара денъизге ташлана.

   Бугунь биз фонетика болюгининъ къысымынен танышувымызны девам этеджекмиз. Суаллерге джевап бермезден эвель, тахтада дюльбер эмен  терегини   коресинъиз,  бу терек энъ кучьлю, магърур ве къуветлидир. Биз терекни дюльберлештирмек  керекмиз, келинъиз озь бильгилеринъизни  корьсетмеге арекет этинъиз.