«Кітап – ақылшы досың» Мақсаты: А) Ақпараттық: Оқушыларға кітаптың пайдасы, адам өміріндегі маңызы туралы ақпарат беру; Б) Коммуникативтік: Алған білімдерін күнделікті өмірде қолдануға дағды қалыптастыру; С) Проблеманы шешу: Білімді, талапты, білгір оқушы болуға дағдыландыру; Көрнекіліктері: интерактивті тақта, кітаптар Құрметті оқырмандар, оқушылар! Бүгін біз дүниедегі ең қымбат байлық, рухани азық кітаптың сан алуан қыры мен сыры туралы білмекпіз. Кітап ешбір заманда өзінің мәнін жоғалтқан емес.Кітап - ақыл мен жан азығы. Қазіргі жаһандану заманындағы компьютерлік технологиялар кітаптың құндылығын ешқашан баса алмайды. Өйткені кітап арқылы біз өмірді үйренеміз, біліміміз молаяды. Көп үлгі мен тәрбие аламыз. Халқымыз «Білекті бірді жығады, білімді мыңды жығады » - деп бекер айтпаса керек. Бүгін біз кітапханамыздың ең үздік оқырмандарын анықтаймыз. Адамның досы- кітап, өмір кілті, Тең келмес оған бүкіл жиған мүлкі Ақылшы, жанға серік, жол бастаушы, Асыл ғой қазынасы, өмір көркі, - дей келе сайысқа түсіп, бақтарын сынайтын «Білімділер» және «Кітапқұмарлар» топтарын ортаға шақырамыз. Сайыс ережесі бойынша екі топтан бес оқушыдан қатысады. I кезең. «Әліппе» 42 әріпті жатқа айту Тұрады басын құрап әріп неден? Басталған білім басы әліппеден, Қарасаң, шалқар-  теңіз, түпсіз - мұхит, Оқысақ кітап сырын ашып терең! Қазақ әліпбиіндегі 42 әріпті рет ретімен айна қатесіз айтып шығу. (5 ұпай) II кезең. «Жылдам оқитын оқырман» Кітапты оқымайды сыйламаған, Білімге жанын салып қинамаған, Өсірген кімнің болсын ой - өрісін Сол кітап - тек ақылшы күнде маған. Бұл кезеңде  сіздерге мәтін беріледі. Бір минут ішінде сол мәтінді дауыстап, жылдам әрі анық оқыған команда жеңімпаз болады. (Бір минутта оқыған сөздері саналып, ең көп оқыған команда 5 ұпай алады) III кезең. «Мақал сөздің мәйегі» Қазақта мынадай мақал бар. «Ақыл - тозбайтын тон, білім - таусылмайтын кен». Көп білген адам өмірде де көп біледі дейді. Әр халықта оқу, білім, кітап туралы мақалдар мен мәтелдер бар. Сонымен екі топқа берілетін келесі тапсырма мақалдың жалғасын табу. (5 ұпай) 1.     Білімнің басы - бейнет, соңы - (зейнет) 2.     Білімдіге дүние - жарық, білімсіздің күні - (Кәріп) 3.     Білім - байлықтан да (күшті) 4.     Кітап - алтын (қазына) 5.     Өнер - ағып жатқан бұлақ, Білім - жанып жатқан (шырақ) 6.     Оқусыз білім жоқ (білімсіз күнің жоқ) 7.     Күш білімде, білім (кітапта) 8.     Кітап-  ғылым, (тілсіз мұғалім) 9.     Оқу- білім бұлағы, (білім - өмір шырағы) 10.                       Білім инемен (құдық қазғандай) 11.                       Қына тасқа бітеді, (білім басқа бітеді) 12.                       Тіліңмен жүгірме,(біліммен жүгір) IV кезең. «Сұрақ жауап» сайысы Білсең дағы біле бер, тағы тіле Мақсатыңа жетерсің біле біле,- деп дана, ойшыл Жүсіп Баласағұн айтып кеткендей, білгір, ізденімпаз оқушыларымызбен сайысымызды әрі қарай жалғастырамыз. Жылдам әрi дұрыс жауап берген команда  5 ұпайға ие болады. «Білімділер» тобына 1.     Үш биді ата (Қазыбек би, Әйтеке би, Төле би) 2.     «Менің атым - Қожа» кітабының авторы (Бердібек Соқпақбаев) 3.     Грек тілінен аударғанда «Библиотека» сөзінің мағынасы 4.     Оқырман залы қандай қызмет атқарады? 5.     Қазақтың тұңғыш ғарышкері кім? (Тоқтар Әубәкіров) 6.     Абайдың шын аты (Ибрахим) 7.     Кітаптың суреттері қалай аталады? (иллюстрация) 8.     Еліміздегі ең биік тау шыңы (Хан Тәңірі) 9.     Биыл қандай жыл(жылқы) «Кітапқұмарлар» тобына 1.     Қазақтың бес арысын ата (Шәкәрім, Ахмет, Мағжан, Міржақып, Жүсіпбек) 2.     «Бай баласы мен жарлы баласы» кімнің шығармасы? (Ы.Алтынсарин) 3.     Қазақтың атақты сурешісі кім? (Әбілхан Қастеев) 4.     М.Әуезовтің жыртқыш аң туралы шығармасын ата (Көксерек) 5.     Кітап кім үшін жазылады? (оқырман үшін) 6.     Киіз үйдің жоғарғы бөлігін ата (шаңырақ) 7.     Суда жүзетін мұзтау?(айсберг) 8.     Шығыстың қос шынары кімдер?(Мәншүк пен Әлия) 9.     «book» сөзінің қазақша баламасы? (кітап) V кезең. «Ойлан, тап» Бұл кеэеңде топтарға жұмбақ жасырылады. (әрбір дұрыс жауап 5 ұпаймен бағаланады) 1.     Үндемей ақ үйреткен, Надандықты күйреткен! (Кітап) 2.     Қиын деме тасымал, Иығыңа асып ал, Білім кенін көтерсең, Алдыңнан жол ашылар! (сөмке) 3.     Бетін адам ашады Білім нұрын шашады. (кітап) 4.     Қалам алып қолыңа Түстің білім жолына. Қарап оң мен солыңа Азамат боп шығасың Осы үйден соңыра. (мектеп)  5.     Оқытады жазда Оқытады қыста Тілсіз, дана, ұстаз! (кітап) 6.     Ұшымен қазық Тор көзді, жазық. Үстіне өттім Асыл сөз жазып! (дәптер) 7.     Білімнің жол басшысы Шәкірттің қолбасшысы Білімнің нәрін тереді Балаға тәлім береді.(ұстаз) 8.     Кішкене құдықтан Найза ұшты шыбығым Су ішіп құныққан. (сиясауыт) VI кезең. «Кітапқа жедел жәрдем» Марапаттау: Әрқашанда кітапты ұқыпты, барынша таза ұстап жүріңіздер! Пайда ойлама, ар ойла. Талап қыл, терең білуге. Артық білім кітапта Ерінбей оқып көруге!-  деп Абай атамыз айтқандай, кітапты әр уақытта ақылшы дос санап, оқып білуге ерінбеңіздер!