б)   Жаңа сабақ Қызығушылықты ояту. «Құпия кілт» сұрақтар қою арқылы жаңа сабақтың тақырыбын ашу. 1.Бір тектес түр мен түстің, сапа мен белгінің, дәм мен иістің әр қилы реңдерін білдіреді. 2.Оның екі түрі бар. 3.Жұрнақтар арқылы жасалады. 4.Бір заттың сынын екінші затпен салыстыра қарап, бірінен бірі я кем, я артық екенін білдіретін шырай түрі.                 Жаңа сабақтың тақырыбы «Сын есімнің шырайлары. Салыстырмалы шырай»                Топпен жұмыс.    Екі топқа тақырып беріледі. Әр топ берілген тақырыпты қорғап шығуы керек. Қарсы топқа түсіндіріліп, олардың сұрақтарына жауап беріледі. Әр топтан бақылаушы адам тағайындалады. Оқушылардың сабаққа ынтасын қадағалап отырып, сабақ соңында бағалайды. Өз тақырыптарын қорғау барысында қарсы топ стикер арқылы білгісі келген сұрақтарын жауап беруші оқушының үстіне жапсырады. І топ / Сын есімнің шырайлары. ІІ топ / Салыстырмалы шырай. Мұғалімнің қорытындылауы. Екі топ тақырыптарын қорғап болғаннан кейін мұғалім қорытып, толықтырып шығады.