«Ава дээрге – Чер дүг, Хүн дег дың-на чаңгыс,

                        Аңаа мөңге йөрээл ырын ырлажыңар!»

Сорулгазы:

1. Шүлүктү  аянныг номчуп күүседиринге өөредир, чанчыктырар.

2. Ава кижиге кызыгаар чок ынакшылды, хүндүткелди, чоргааралды  А.А.Даржайның шүлүктериниң дузазы-биле кижизидер, куштелдирер.

3. Уругларның дыл-домаан сайзырадыр, номчулгага сонуургалын күштелдирер.

Дерилгези: А.Даржайның  номнары,  Ава кижиниң овур-хевирин чураан чуруктар (И.Салчактын, Н.Шалыктын), лаалар, ноутбук, проектор,  магнитофон, ырлар бижиттинген дискилер (өпей ырының аялгалары, чогаалчының ыры апарган шүлүктериниң аялгалары), өөреникчилерниң чогааткан шүлүктери, чуруктары, ава дугайында үлегер домактар, ак кадактар.

Баш бурунгаар белеткеп кылыр ажылдар:

- А. Даржайның ава дугайында шүлүктерин  шээжилээри, аянныг номчуп өөренири

- өөреникчилер ава дугайында шүлүктер чогаадыры (шүлүктерни делгеп азар)

- Ава кижини чураан билдингир чурукчуларның чуруктары-биле таныштырып, боттарының аваларының  болгаш А.Даржайның  шүлүктеринде ава кижинин овур-хевирин канчаар билип алганының аайы-биле чуруктар чурудар (чуруктарны делгеп азар)

- Ава дугайында үлегер домактар чыып бижиир (бичии номчугаштар кылдыр даараар)

- Ава дугайында ырыларны ырлап өөренир (ыры башкызы сөзун, аялгазын өөредир)