1 сыныптарға Әліппе сабағынан «К дыбысын» өту барысында бастауыш мұғалімдеріне пайдалануға болады. Жалпы сабақ жүргізу барысы төмендегідей: Мақсаты: 1. Дауыссыз К дыбысы мен әрпін таныту, жаңа сөздерді оқи, жаза білуге үйрету. 2. Оқушылардың сөйлеу мәнерін, байланыстыра сөйлеу дағдыларын қалыптастыру. Ой – өрістерін кеңейту. 3.    Кітап оқуға, кітапты құрметтеуге шақыру. Білімділікке, ұйымшылдыққа, ұқыптылыққа баулу. Сабақтың әдісі: Интерактивті тақтамен жұмыс жасау арқылы жаңа технологияны меңгерту Жүру барысы: І. Ұйымдастыру кезеңі: Сабақтың ұраны: «Оқу – білімде, Білім – кітапта» ІІ. Өткен сабаққа шолу ІІІ. Жаңа сабақ 1.  Ой қозғау (Жұмбақтың жауабын шешу) Сөзі - дана, үні жоқ, Сөйлемейді, тілі жоқ. Қолыңа алсаң – шешен, Ақылы асқан көсем.  (Кітап) 2.«Таныс бол!» ► К дыбысымен таныстыру. 3. «Сөз ойла, тез ойла!» ойыны (буындарға сөз құрап, сөйлем айту) К к к 4. «Сауатты оқып дағдылан!» (кітаппен жұмыс) ► Бағандағы жаңа сөздерді оқып таныстыру, мағыналарын түсіндіру. 5.«Дыбыстарды анықта!» (дыбыстық талдау жасау) ► Кебеже, кесе, шелек, т.б. 6. Мәтінмен жұмыс ► «Кеме» мәтінін оқып түсіндіру     Сергіту сәті 1.  Дәптермен жұмыс ·      К дыбысының жазылуын тақтаға жазып, көрсету. ·     Ауада жазу ·     Өз беттерінше дәптермен жұмыс жүргізу (мұғалімнің қадағалауымен) Бекіту сұрақтары   «Кім тапқыр?» «Жоғалған әріп – қай әріп?» ойыны IV. Қорытындылау.  V. Бағала. VI. Үйге тапсырма.