Жеті жасар баласын,

Жетпісте шал жетектеп,

Келе жатыр көшеде,                                                

Қайда әлгі мектеп деп,         

Жетпіс келеді сүрініп,

Жеті келеді жүгіріп.

Атасы:     Әділет

                            Балам,  балам жақсы бол,

                            Міне,  сенің мектебің

                            Сабағыңа зейін сал,                       

                            Ақылды бол, тентегім.                         

Немересі: Асылан

                            Қыркүйекте келдім де,                

                           Сыныпқа кірдім қуанып,

                            Қарсы алды ұстаз мейіріммен,   

                            Қадамымды құп алып.

Мұғалім:

     Армысыздар құрметті  ақ жаулықты әжелер, ата-аналар, ұстаздар және оқушылар! Міне,  осыдан  4 ай бұрын білім бәйгесіне  қосқан тұлпарларыңыз бүгін де сүйікті әліппемен қоштасқалы отыр. Әлеппені  бітіру – алдағы өмірге бастайтын көп белестердің  бірі. Ендеше, біз бүгінгі күні сол белестің бірінен асып, қуаныштымыз. Бүлдіршіндердің бұл қуанышы сіздердің де көңілдеріңізге  нұр құяры анық.