Ұлт менталитетінің архетиптері туралы сөз қозғау қиынның қиыны. Дегенменде, қазақ менталитетіндегі архетиптердің мәнін, қызметін, типологиясын, олардың дәстүрлі менталитет пен қазіргі менталитеттегі орнын анықтай отырып, олардың арасындағы сабақтастық пен айырмашылықтарды көрсетудің маңызы зор. Бұл біріншіден. Екіншіден, қазіргі ұлт менталитетінде жаңа заман туғызып отырған ар-хетиптерге баға берудің де қажеттілігі туған тәрізді. Осы тұрғыдан келгенде ұлт менталитетіндегі архетиптерді фило-софиялық тұрғыдан талдау бүгінгі уақыт талабы.Үшіншіден, архетип - бастау, образ деген түсінікті білдіреді. Басқаша айтқанда, архетип - адамның психикасындағы алғы бастаулар бейнесі. Архетип адамзат мәдениетінің, символдарының негізінде априрды түрде қатысып отыратын құбылыс.