Әрбір баланың болашақтағы арманы бір мамандық иесі болу. Менің де бала күнгі арманым мұғалім болу еді. Мектеп табалдырығында жүргенде ұстаздарға еліктеп өстім. Менің қадір тұтатын ұстазым бастауыш класқа келгенде қолыма алғаш әліппені ұстатқан Ермаханова Жаңылшақ апай. Жаңылшақ апайдан білім мен тәрбие алдым. Апайдың келбеті менің ұстаздық жолымда да көрініс тапты. Өз-өзін ұстауы, мәдениетті сөйлеуі, адамгершілік қасиеті, сабақ түсіндіргендегі көрінісі менің осы мамандықты таңдауыма себеп болды.  Сонымен бірге менің әкем де мұғалімдік қызметтен зейнетке шықты. Әкемнің еңбек жолында да  маған алар тәлім-тәрбие көп болды. Сол себептен де мен бұл мамандықты таңдағанда  қызығы мен қиындығы қатар жүретін жауапты мамандық екендігін сезіндім.