Елімізге тұтқиылдан  опасыздықпен шабуыл жасап, жерімізді от-жалынға орап, әр ұрпақтың, әрбір отбасымен жекелеген адамдардың тағдырларында терең із қалдырып, санада мәңгі өшпестей қалған Ұлы Отан соғысының аяқталғанына 70 жыл толды. Біздің жарқын болашағымыз үшін майдан алаңында теңдесі жоқ күшті жаумен қасықтай қаны қалғанша айқасып, жанын пида еткен азаматтар қаншама құрбандар, қыршын жастар қалды. Сол алапат соғыста елден майданға аттанғандар ішінде  менің атам да бар.

     Менің атам Нұртазин Шайғапбас 1920 жылдың  10 қыркүйегінде  Ресей мемлекетінің, Омбы облысы, Азов ауданы, Бәкзе ауылында дүниеге келген. 7 сыныптық білімі ғана болған. Отбасында 9 бала тәрбиеленген. 1941 жылдың  29 сәуірінде Азов аудандық әскери  комиссариатының шақыруымен әскерге алынып, Кемерово жеріне түседі. Әскери қызмет атқарып жүрген жерінен 20 жасында Ленинград майданына аттанады.