Сабақтың мақсаты:

1) 10 саны және 10 санының құрамымен таныстыру.

2) 10 санын екі санның қосындысы түрінде жазу, қосу, азайту амалдарын орындау жолдарын түсіндіру.  10 санының құрамын анықтау. 10 санының құрамын пайдаланып, мәні 10 - ға тең қосынды, оған кері айырма құрастыруды қалыптастыру,өрнек құра білуге үйрету«Бір таңбалы, екі таңбалы сандар» ұғымын қалыптастыру,санның құрамы туралы білімдерін тереңдету. Ойлау қабілеттерін дамыту, ауызша, жазбаша есептеу дағдыларын жетілдіру, сөздік қорларын молайту, сөйлеу мәдениетін дамыту. Оқушының ой-өрісін, танымдық белсенділігін, қызығушылығын ,зейінін, жүйелі ойлау қабілетін дамыту.
  3) Алға қойған мақсаттарына жетуге, нәтижеге жете білуге тәрбиелеу.

Сабақтың түрі: Саяхат  сабақ.

Сабақтың типі: Жаңа білімді меңгерту.

Сабақтың көрнекілігі:,интерактивті тақта, презентациялық слайд.

Пәнаралық байланыс : сауат ашу

Сабақтағы әдіс-тәсіл: Түсіндіру, сұрақ – жауап ,ақпараттық-коммуникативті технологиялар.

Сабақтың барысы: І.Ұйымдастыру.

Психологиялық дайындық:

Қонақ күту салтымыз

Оқып біліп жатырмыз!

Келген қонақ сіздерге

Сәлем бердік бәріміз!

-          Балалар, бүгін сабағымыз күндегіден ерекшелеу болады.Несімен ерекше болатынын мына сандарға сәйкес әріптерді тауып, анықтап алайық.