Сабақтың тақырыбы: 10 санының құрамы.

Сабақтың мақсаты: 10 санының құрамымен оқушыларды таныстыру. Логикалық ойлау қабілеттерін дамыту. Туған жерге деген сүйіспеншілікке тәрбиелеу, білім алу қажеттілігін ұғындыру.

Сабақтың барысы:

Психологиялық дайындық.

«Достар» психологиялық жаттығуы арқылы көңіл – күй орнату. Топта отырған оқушылар бір қолдарын парта ортасына біріктіріп, бір-біріне іштей жақсы тілектер тілейді.

І.Қызығушылықты ояту.

-         Балалар бүгінгі сабағымыз жай сабақ емес. Біздерге қонақтар келіп отыр. Сендердің білімдеріңді байқағылары келеді және олардың сендерге бір өтініші бар: «Бір жерде үлкен қазына, байлық бар екен, соны тауып берсеңіздер» - дейді. Ол қайда болуы мүмкін?

-         Ғарыштан іздеп көрейік. Ол үшін зымырандарға отырамыз. Оқушыларды үш топқа бөліп тапсырма беріледі:

Бірінші топтың кемесі көк емес, екінші топтың кемесі қызыл емес, ал үшінші топтың кемесі сары да емес, қызыл да емес. Әр топ қандай кемемен ұшады?

(Жауабы: 1 топ – қызыл, 2 топ – сары, 3 топ – көк).

Экипаж басшылары сайланады. Оқушылар «кемелеріне» отырып «ұшуға» дайындалады.

-         Кемелерге отырамыз.

-         Қауіпсіздік белбеулерін тағамыз.

-         Тетіктерді басамыз.

-         10-нан 1-ге дейін кері санаймыз.

-         Ұштық!

-         Бұл нелер?

(Күн жүйесінің суреті, планеталарсыз).

ІІ. Мағынаны тану.

-         Біздерге бір хабар келді: «Егер біздерге көмектесіп, планеталарды орын-орнына орналастырсаңыздар көп байлыққа ие боласыздар! Бөгде планеталықтар».

Оқулықпен жұмыс.

№1 тапсырма.

Оқушылар бір-бірден тақтаға шығып орындайды. 10 санының құрамын анықтау. Бос торкөздерге тиісті сандарды қою керек.

10

   9

10

  8

10

3

10

   6

10

   5

Теңдіктер құр және оқы.

9+1=10                10-1=9             10-9=1

8+2=10                10-2=8             10-8=2

7+3=10                10-3=7             10-7=3

6+4=10                10-4=6             10-6=4

Тапсырма толық орындалғаннан кейін күн жүйесіндегі планеталардың орналасуы көрінеді.

-Міне көмектескендеріміз үшін біздерге  Марс планетасына бір үлкен қап ақша тастап кетіпті. Бірақ осы байлықты алғысы келетін адам Марста қалу керек. Достарын ата-анасын ешқашан көрмейтін болады. Қаласыздар ма?

Мындағы байлық керек болмады. Онда жерден іздейік. Балалар «кемелеріне» отырып «ұшады».

Дәптермен жұмыс.

Оқулықтағы №3 тапсырманы дәптерге көшіріп орындау.

0<10       10см>8см      7<10       1см<1дм

10=10     1дм=10см     10>9        1см<10см

Сол кезде үш оқушыға жеке тапсырма беріледі.

Тиісті сандарды тауып қой:

8-5<4            8>10-6           10-5<9-3

Тапсырмаларды орындап болған соң, тақтада Африканың суреті шығады.

-Біздер Африкаға ұшып келіппіз ғой. Егер ата-аналарыңызды, достарыңызды ұмытып осында қалсаңыз, көп ақша байлыққа ие боласыздар. Қаласыздар ма?

Сергіту сәті.

-Ендеше ары қарай ұшамыз. Өз туған жерімізге келдік. Осында да бізге тапсырмалар бар:

10 санының құрамын анықтау.

10

2

6

3

5

4

Тапсырманы орындап болған соң, кілттің суреті шығады.

-Бұл ненің кілті болуы мүмкін?

-Қазір білеміз. Бұл үлкен сандықтың кілті екен. Сандықты ашайық.

(Сандықтың ішінде БІЛІМ сөзі жазулы тұрады).

-Сонымен біздер қандай байлық таптық? (Білім).

ІІІ. Ой – толғаныс.

Осы сабақта маған қызықты болғаны ...

Маған қиын болғаны ...

Үйге тапсырма.

Бағалау.