Кезәнә хаанад заргддг эмгн өвгнд хойр көвүн бәәҗ. нег дәкҗ хойр көвүн наадад гүүҗ йовад, толһан сууһас бор богшурһа олҗ авна. Терүгән авдртан дүрчкнә. Өрүнднь авдран хәләхлә, авдрнь алтн өндгәр дүүрч оч. Богшурһа алтар өндглдг болна. Эмгн өвгн хойр алт хулдад, бәәһәд бәәнә. хан өвгнәд ирәд:»Манаһас хот-хол авдган яһад уурвт?»- гиҗ сурна. Өвгн: «Манад алтар өндглдг богшурһа бәәнә»,- гиһәд келәд өгчкнә. Тиигхлә хан: «Алтынь алтарнь өгтн, богшурһаг чанад өгтн», - гиҗ закна. Арһ уга , өвгн хаанад алтан күргчкнә, эмгн богшурһаг чана. Чансна хөөн, хойр көвүн һазаһас гүүһәд орҗ ирв. Хойр көвүн богшурһаһан хәәрләд, уульҗ-уульҗ, арһ уга болад, негнь – богшурһаһан толһаһинь идчкнә, дүнь – далваһинь иднә. Тер богшурһан толһаг идсн күн хан болдг, барун далваһинь идсн күн – алтар бөөлҗдг болх зөвтә бәәҗ. хойр көвүн идхән идчкәд, һарад хаанас зулна. Хан эмгн өвгн хойриг алчкад, хойр көвү хәәһәд һарна. Хан хойр көвүг олхш. Хаана хувц уһадг гергн хойр көвүнд нөкд болна: хот өгнә, цааранднь йовулад оркна. Эдн өр цәәхин алднд толһан сууд ирәд, амрад унтна. Серн гихнь, толһан ора деер һурвн баатр үзгднә. Эдн хаана зарц күцәҗ йовҗ. Хаанд эрдмтә һурвн юм авч хәрҗ йовҗ: болд үлд, күүнд үзгддг уга хар замб махла, аль сансн хот-хоолар дЧЧрдг үстә шар кевс. Эн эрдмтә һурвн юмна алькнь хаанд таасгдх гиҗ хойр көвүһәр зарһ кегүлнә. Хойр көвүн эдниг мекләд, эрдмтә һурвн юминь бийдән авчкна. Эдн ик холд, нег уулта, уста, өвстә һазрт, өвсн Герин өөр ирнә. Герт ээҗ аав хойрлань әдл эмгн өвгн хойр бәәнә. Ахнь хан болад, дүнь эмгн өвгн хойрин көвүн болад, җирһәд бәәнә.