Жартылай  өткізгішті  жартылай  жарықтандырғанда, оның  бетіне  жарықталған  және  жарықталмаған  аймақтар  болған  кезде, олардың  арасында  фото – электр  қозғаушы  күш  пайда  болады. Бұл  құбылыс  электр  энергиясы  көздерін; фотоэлементтер, күн  батареясын  жасауда  қолданылады. Күн  батареялары  күн  энергиясын  бірден  электр  энергиясына  айналдыра  алады. Кейбір  жартылай  өткізгіш  (мысалы, кремний)  өз  электр  кедергісін, қысым  түскен  кезде  күрт  өзгертеді  (тензорезистивті  әсер). Жартылай  өткізгіштің  бұл  қасиеті  сезімтал  қысым   өлшеуіш – тензодатгиктерде  қолданылады. Жартылай  өткізгіштерде  әртүрлі  температурадағы  екі  учаскенің  болуы, бос  зарядтардың  қызуы  көп  учаскеден, қызуы  төмен  учаскеге  ығысуына  әкеледі. Егер  де  заряд  тасушы  электрон  болса, олар  суық  учаскеге  жылжығанда  оны  теріс  зарядтайды. Электрондарының  бір  бөлігін  жоғалтқан  қыздырған  учаске  оң  зарядталады.