Отбасылық сайыс

(Отбасы күніне арналған эстафеталық жарыстар)

Мақсаты: 1. Ата-аналар мен мектеп арасындағы байланысты жақындастыру, оқушыларды ұйымшылдыққа, достыққа, ұлтжандылыққа тәрбиелеу;

2. Оқушылардың спортқа деген қызығушылығын арттыру;

3.Оқушыларды жылдамдыққа, шапшаңдыққа үйрету.

• І. Әділ қазыларды сайлап алу
• ІІ. Әр отбасы тобымен таныстыру
• ІІІ. Эстафеталық ойындар
• 1.Бұл ойынға әр топтан үш адамнан қатысады. Әр ойыншының қолында бір шардан болады. Ойыншы мәреге дейін жүгіріп барып, тұрған орындыққа шарды қойып қатты отырып жарады да, бастапқы орнына жүгіріп келеді. Ойынды келесі ойыншы жалғастырады. Қай топ өзіне тиісті шарларды бірінші болып жарып бітсе, сол топ жеңіске жетеді.
• 2.«Қияңқы баланы киіндіру». Бас киім, шалбар, көйлек, кеудеше, екі шұлық. Осы киімдер әр топқа бір-бірден таратылады, ортаға «қияңқы» бала шығады. Ойыншылар сол баланы кезекпен киіндіруге тиіс, ал бала оларға шамасы келгенше қарсыласады.
• 3.«Қаппен жүгіру». Әр топтың ойыншылары кезекпен қапты киіп мәреге жүгіріп барып келеді де, қапты шешіп келесі ойыншыға береді. Қай топ бірінші бітірсе, сол топ жеңіске ие.
• 4.Әр екі топтың ойыншылары арқан тартысады, жеңіске жеткен топтар бір-бірімен тағы да арқан тартысады, солай барлық топ тартысып біткенше ойын жалғасады. Барлығын жеңген топ жеңіске ие болады.
• 5.«Қақпақыл» ойынға әкелер қатысады. Балаларын мойнына мінгізіп, ал балалары шарды қақпақылға салады. Ойын біткенше шар жерге түспеуі тиіс, шарды түсірген әкелі бала ойыннан шығады да, қалған әкелі-балалар ойынды жалғастырады. Соңында қалған әкелі-бала жеңіске жетеді.

IV. Қорытынды.

Сөз әділ қазыларға беріледі. Бес ойынның қорытындысы жарияланып,

ойыншылар марапатталады.