Сабақтың тақырыбы: Оқыту мен оқуда АКТ ны пайдалану

Жалпы мақсаты:АКТ оқушыларға ғылыми ұғымдарды түсіндіруді және олардың қабылдауын,түсінуін жеңілдетуге мүмкіндік беріп, мұғалімдерге сабақ беруде көмектесетін маңызды құрал екенін айқындау. Осы сабақта ұсынылған ақпараттар мұғалімдерге оқытуды жетілдіру мақсатында жаңа сандық технологияларды қолдану бойынша көмек көрсетуге арналған

Оқу нәтижелері: АКТ-ны сыныпта мұғалімді ауыстыру құралы ретінде емес, оқу үдерісінде көмек көрсетуге арналған тиімді педагогикалық құрал ретінде қолдануды зерделеу.

АКТ-ны барлық оқушыларды қатыстыруды болжамдайтын оқу әдісі ретінде қолдану және оқудың әлеуметтік аспектісін дамыту үшін пайдалану.

Сабақ жоспары

Білу.Өтілетін тақырыппен таныстыру. слайд№1тақырып

Құрметті әріптестер! Бүгінгі сабағымыздың тақырыбы «Оқыту мен оқуда АКТ ны пайдалану». Сабағымыз қызықты әрі мәнді болсын деген мақсатпен бірінші топқа бөлініп алайық. Тақтада берілген ұяшықтарды қалауыңызға қарай таңдап өз топтарыңызға бірігулеріңізді сұранамын. Топқа ат қойыңыздар, қойған аттарыңыз алдарыңыздағы таңдаған белгіге байланысы болсын.

Тапсырма№1:интерактивті тақтаны пайдаланып он бес дана ұяшықты ашу. (м:5гүл,5 көбелек,5 күн бейнесі). слайд№2 топқа бөлу