ҚЫСҚА МЕРЗІМДІК ЖОСПАР

Пәні

Қазақ әдебиеті

Сынып

8

Күні

12.02.2014ж.

Тақырыбы

Мұқағали Мақатаев «Аққулар ұйықтағанда» поэмасы

Мақсаты

Білімділік: Сезіммен өлең өрген жыр пырағы Мұқағали поэзиясына талдау жасау, ақын өлеңінің идеясын, мақсатын ұғындыру, поэманың тақырыбы мен идеясы, композициясы туралы теориялық білім беру. Поэманың негізгі кейіпкері ана бейнесі арқылы көл еркесі аққуға жасалған қиянаттың қайғылы оқиғаға тап болу себебін таныту, қоршаған орта заңдылықтарына қарсы келмеу қажеттігін нақты дәлелдермен түсіндіру. Аққудың басқа құстардан өзіндік ерекшелігі, қасиеті, киелі құс екендігін суреттеудегі ақынның шынайы сезімін таныту.    

Дамытушылық: Түрлі әдістерді пайдалана отырып балаларды тапқырлық, жылдамдық, есте сақтау қабілеттерін арттыру. Сөйлеу тілін жетілдіріп, шешендік өнерге баулу, еркін сөйлеуге,  шығармашылық қабілетін дамыту, сыни тұрғыдан ойлауға, өз ойларын еркін жеткізе білуге дағдыландыру, оқушының шығармашылық қабілетін дамыту.          

Тәрбиелік: Ақын тілімен салынған табиғат суреті арқылы эстетикалық талғамға, көркем шығарма арқылы табиғаттың сырлы көріністерін тамашалап, сұлулығын сезіне қамқорлықпен аялай білуге тәрбиелей отырып, экологиялық мәдениетін қалыптастыру. Оқушыларды қайырымды,  төзімді, қайратты және  қарапайым болуға,  жамандықтан жиреніп, жақсылықты үйренуге тәрбиелеу.