Бағдарламада көрсетілген «Оқыту мен оқудағы жаңа тәсілдер» модулін сабаққа кіріктірудегі мақсатым, оқушыларға өз бетінше білім алуға жағдай жасай отырып,  қалай оқу керектігін,  өз еңбегін бағалай алуын, өзара пікір алмасуға үйрету және алған білімдерін өмірде қолдана алуға бағыттау болды. «Әлеуметтік-сындарлылық тұрғыдан оқытуды түсіну Бағдарламада айтылған «Оқыту мен оқудағы жаңа тәсілдер»  негізінде жатыр».  «Қалай оқу керектігін үйрету»  деген атаулармен танымал педагогикалық тәсілдер әлеуметтік сындарлылық идеяларының қазіргі заманғы маңызды түсіндірмелері ретінде қолданылады».

    Қалай оқу керектігін үйрету ,оқушыларға келешекте өз бетімен білім алуына, өзінің оқуы үшін жауапкершілік сезіну қажеттігін сезінуге, түсінуге  және оған дайын болуға қалай көмектесуге болатынын көрсетеді. (Мұғалімге арналған нұсқаулық)  Осы пікірді негізге ала отырып,оқушыларға тақырыпты өз бетінше меңгеруін қалыптастыру,  әр оқушының білім деңгейін,шама- шарқын анықтап алу үшін сабағымды жоспарлап алдым. Жаңа сабағымды бастамас бұрын оқушыларды сабақ тақырыбына сай топтарға бөліп алдым.