Сабақтың мақсаты:
     Балалардың «сөз», «сөз құдіреті», «тіл табысу» ұғымдары туралы түсініктерін кеңейту.
                Сабақтың міндеттері:
    Сөзді түсіне білу, сөйлесу дағдыларын қалыптастыру.
    Адамдармен жағымды қарым-қатынас жасау іскерліктерін дамыту.
    Өзара сыйластыққа тәрбиелеу.

Мәтінмен жұмыс

Әмір Темір Үндістанға барған сапарында сол жердің өнерпаздарын шақыртып алып: «Осы шаһарда асқан бір сазгер бар дегенді үлкендерден естігенім бар еді», - дейді. «Ол – мына кісі», - деп, бір соқырды Әмірдің алдына алып келеді. Сазгердің өнеріне әбден риза болған патша одан: «Есімің кім болады?» - деп сұрайды. «Атым – Мемлекет (өзбекше  Даулет. -  Ұ.А.)», - дейді сазгер. «Мемлекет те соқыр бола ма екен?» - дейді патша жымиып. Сонда зағип сазгер: «Егер мемлекет соқыр болса, ақсақты үйіне кіргізбес еді ғой!» - депті. Сазгердің тапқырлығына риза болған Темір оған көп сый –сыйапат беріп, шығарып салған екен.