Бағдарламада іс қағаздарын жүргізуде жиі кездесетін құжат түрлері республика көлемінде басылым көрген түрлі әдістемелік құралдарды пайдалану арқылы өзара сабақтастықта іріктеліп алынды. Бұл сабақтастық мемлекеттік тілде іс қағаздарын жүйелі түрде жүргізуге  одан әрі  ықпал етеді деген сенімдеміз.

    Тілдің мемлекеттік мәртебеге ие болуы бұл--өнер мен тілді мемлекет  тарапынан қамқорлыққа алу деген сөз. Ал мұндай қамқорлыққа алынған тіл сол  мемлекет иесі болған  халықтың  үдесінен шығып, барлық саладағы мұқтаждықты өтей алатын дәрежеде  болуы шарт. Яғни оқу, өнер, әдебиет, мәдениет, баспасөз, радио, теледидар, дипломатиялық  қарым-қатынас, ғылым өндіріс, шаруашылық, ресми іс қағаздары т.б. салаларға дейін қызмет  ететін қоғамның қуатты қолданыс құралына айналуы қажет.