Рус мәктәпләрендә белем алучы татар балалары өчен дәрес конспекты. Татар мәктәпләреннән аермалы буларак, рус мәктәпләрендәге татар балалары белән шигырьгә тулы анализ бирү кыенрак. Шуңа күрә дәрес конспекты рус мәктәпләре өчен яраклаштырылган. Дәрес психологик уңай халәт тудыру белән башланып китә, Муса Җәлилнең "Җырларым" шигыре тыңлана. Укучылар шигырьнең авторын атаганнан соң, дәреснең темасы әйтелә. "Моабит дәфтәрләре" тарихы сөйләнелә. Шулай ук Муса Җәлил утырган төрмәдә безнең якташыбыз Әлшәй районы егете Нигъмәтҗанов булганлыгы, ул шагыйрьнең шигырьләрен туган илгә алып кайтуы турында да мәгълумат бар.