Сабақтың тақырыбы: Ққ дыбысы мен әрпі.

Сабақтың мақсаты: 1. Қ қ дыбысы, әрпімен таныстыру. Қ дыбысын тіл ұстарта отырып сөз құрату. Сөздерге дыбыстық талдау жасау.

Балалардың сөздік қорын молайту, есте сақтау қабілетін дамыту, байланыстырып сөйлеуге үйрету.

Адамгершілікке, кішіпейілдікке тәрбиелеу.

Сабақтың түрі: аралас сабақ

Әдіс тәсілдері: әңгімелеу, түсіндіру, сұрақ жауап.

Сабақтың көрнекілігі: кеспе әріптер, Қ әрпінің баспа және жазба түрі, түрлі түсті суреттер, әліппе, дәптер.

Сабақтың  барысы:

І. Балаларды ұйымдастыру.   

ІІ. Білімді тексеру:

Өтілген әріпті еске түсіру.

-Біз қандай дыбыстармен таныстық?

-Дауысты дыбыс дегеніміз не?

«Шашылған дыбыстар» ойынын ойнайық

Өтілген әріптерді шашып тастау және сол әріптерге сөздер ойлату

 О дыбысының орнына а дыбысын қойса, сөз мағынасының

өзгеруіне көңіл бөлу. Тақтадан оқып талдау: Шопан, Шора, тор,

той. Шапан, шара, тар, тай.

– О дыбысы қандай дыбыс? Балалар бірнеше сұрақтарға жауап береді.

Өте жақсы сабақты меңгерген екенсіңдер.

Сергіту жаттығуы

 Қарлығашқа ұқсайық,

Қатты қанат қағайық.

Ұшып,ұшып алған соң,

Қайта орнымызға қонайық.

Оқушылар орындарынан тұрып жаттығу жасайды.

Жаңа сабаққа  

а) Жұмбақ шешу.

Жапалақтап жауады,            Кішкентай ғана бойы бар,

Жердің бетін жабады.          Айналдырып киген тоны бар.  

Бұл не аппақ мақтадай?                                                   (қой)

Кәнеки, кім табады?    (қар)

-Қар, қой сөздерінен бірінші қандай дыбыс естідіңдер?

- Қ дыбысы

-Қ қандай дыбыс?

-Дауыссыз дыбыс.

Қ әрпі бар сөздерді естеріңе түсіріңдер. Кім көп біледі?

Әліппемен  жұмыс

а) Суретпен жұмыс

Қалалар туралы әңгіме құрату, картадан Өскемен қаласын табу. «Менің қалам-Өскемен» тақырыбына слайд көрсету 

ә) Қа-ра-қат, қа-ла, қа-лақ, қо-нақ сөздерін буынға бөліп, қ дыбысының орнын байқату,

б) Қ дыбысының әріп таңбасымен таныстыру.

в) Бағандағы сөздерді буындап не тұтас оқып үйрену, мағынасын түсіндіру.

г) Қала аттарының бас әріппен жазылатынын түсіндіру. Қапшағай,

Қаратау, Қарағанды ,Өскемен.

ғ) қала  сөзіне дыбыстық талдау жасау

Сергіту жаттығуы

Қошақаны қойдың,

Қайда қалып қойдың?

Бұлтиып тұр бүйірің,

Қай өрістен тойдың?

Жаңылтпаш айту

Қыс қыспаса, қыс па?

Құс ұшпаса, құс па?

Дәптермен жұмыс

Дәптерді ашып үлгіге қарап, үзік сызықтарды қосып Қ әрпін жазамыз.

V. Жаңа сабақтан түсінгенін тексеру: 1. Қ қандай дыбыс? 2. Сөздің қай буынында жазылады? – Қала аттары қалай жазылады?

VІ. Сабақты қорытындылау:  Бүгін сабақта қандай дыбыспен және әріппен таныстық?