1 – жүргізуші: Бүгінгі біздің кешімізді М. Шахановтың «Достық өлкесінің заңы» - атты шығармасымен бастағымыз келеді.

Алдымызда қанша сауал тосылды,

Өмір бізді ерте үйірді биіне.

Сәби кезім.

Бірге ойнайтын досымды

Ертіп бардым нағашымның үйіне.

Сәбилік шақ!

Сүттей аппақ кезең бұл,

Аңғал, бейқам балбұлақтай сыңғырлы.

Досым «киіп көремін» деп әжемнің

Аңдаусызда көз әйнегін сындырды.

Енді қайттік? Амал – айла азайып,

Құтылуға өткел іздеп тарқыдық.

Досым менің ұяң еді ғажайып,

әжем өте қатал еді, жарықтық.