Сабақтың тақырыбы: Ш.Мұртаза шығармашылығы

Сабақтың мақсаты:

а) Оқушылардың қазақ әдебиетінің көркемсөз зергері Ш. Мұртаза өмірінің, шығармаларынан алған алған  мәліметтерін  кеңейту. «Тұтқын бала» әңгімесінің мазмұнын бекіту, кейіпкерлерге талдау жасау дағдысын дамыту.

ә) Оқушылардың пәнге қызығушылықтарын арттыру, ауызекі сөйлеу стилін, тіл мәдениетін, ой –өрісін дамыту, қосымша деректер арқылы дүниетанымдарын кеңейту.

б) Оқушыларды адамгершілікке, елжандылыққа, достыққа, ұйымшылдыққа тәрбиелеу.

Сабақтың типі: Жинақтау, пысықтау сабағы.

Сабақтың түрі: Сайыс сабақ.

Оқытудың әдіс – тәсілдері: Әңгімелесу,сұрақ –жауап, талдау.

Сабақтың көрнекілігі: Ш. Мұртаза, Т. Рысқұлов портреттері, шығармалар жинағы, үлестірме қағаздар, кадаскоп, күйтабақ.

Пәнаралық байланыс: Тарих, орыс әдебиеті, биология.

Сабақтың барысы:

І. Ұйымдастыру бөлімі.

«Атадан асыл ұл туса, елінің қамын жейді»,- деп халық даналығында айтылғандай, қазақ халқы тарихында елі үшін еңіреген, халқы үшін күңіренген ұлдар аз болған жоқ. Солардың бірі- «Қызыл жебе» романының басты кейіпкері Тұрар Рысқұлов. Ендеше осы романның «Тұтқын бала» тарауы бойынша алған білімдеріңізді ортаға салайық.