ХХІ ғасыр  көшбасшысы

Мақсаты : Оқушылардың  білім  қабілеттерін  тексеру , бастауыш  сынып  оқушылары арасынан ХХІ ғасыр көшбасшысын анықтау .

Көрнекілігі : Интерактивті  тақта

Барысы : 1 . Ұйымдастыру  кезеңі .

     Жүргізуші : Уа , халайық , халайық !

                  Бәріне жар салайық ,

                     Бүгінгі кеш трінде,

                     Білімділер елінде,

                     Есеп шешіп жарысып,

                     Жұмбақ шешіп андысып,

                    Шабыт тасып, шалқысып,

                      Көңілді кеш жасайық,

                     Жұмбақ шеру  шашайық

                     Мұнда қызық табылар,

                       Жұмбақ, есеп бәрі бар

                       Ал, сайыскер  балалар,

                      Білімдеріңді  сынайық

                        ХХІ ғасыр

                        Көшбасшысын табайық.

  Жүргізуші : Құрметті  ұстаздар , оқушылар  сіздерді  4 сыныптар арасында өтетін

«ХХІ ғасыр  көшбасшысы»  атты  сайыс  сағатын  көруге  шақырамыз .

( Әділқазлар  алқасын сайлау )

Біреуінің  жүрегінің  түгі бар ,

Біреуінің арқалап  жүрген  қоғамдық жүгі бар,

Бәрінен де бастысы – барлығының

Қатты  істейтін  миы бар ! – дей келе , енді осы  сайыскерлерімізді  таныстырып  өтейін .

    Сайыскерлерге  тілек :

Ғылымның  сырын ұғына,

Шығыңдар білім  шыңына!

Ұқыптылық пен зеректік,

Жеткізер сіздей өренді

Ғылымдардың сырына!

Қадамдарың оң болсын, 

Сәт - сапар енді тілейік !

Ойынымыз  V турдан  тұрады , Әрбір дұрыс  жауап үшін қатысушыларға  5 ұпайдан  беріледі . ІІ турдан кейін  ұпайы төмен оқушылар  шығып отырады

( ең соңында  бір оқушы , яғни көшбасшы  қалу керек )

I тур. «Бәйге»

II тур. «Сөзден сөз шығар»

III тур. «Тапқыр болсаң тауып көр»

IV тур. «Полиглот»

V тур . «Жеңімпаз»

Сайыскерлер дайын болса , сайысымызды  бастайық .

І тур . «Бәйге»  сұрақ – жауап.

Ақындар мен жазушылар : 20 -  «Адам болам десеңіз » өлеңінің авторы ? Абай.

         30 – Балаларға арнап тұңғыш қазақ әліппесін жазған кім ? А .Байтұрсынұлы

         40 – Қазақ даласындағы « сәулелі жұлдыз» атанған көрнекті ақын? Ыбырай

Ән мен әнші : 20 – Қазақстан Республикасының гимнің әнің жазған кім ? Ш . Қалдаяқов

 30 –«Елімнің жүрегі » дегенАлтынай Жорабаеваның әні қай қалаға арналған ?       Астана қаласына .40 – Бір ән айту .

Мақал – мәтелдер : 20 – Білім туралы

                                   30 – Еңбек туралы

                                    40 –Отан  туралы

Жалпы сұрақ :   20 -  Қазақтың тұңғыш ғарышкері ? Т . Әубәкіров .

                            30 – 120 : 4  Жауабы : 30

                    40 - Жылқыда не жоқ ? Өт жоқ .

ІІ тур «Сөзден сөз шығар »  « Қазақстан»  сөзінен  сөздер құрастыру .

ІІІ тур «Тапқыр болсаң тауып көр »

Мақалдарды жалғастыру . 1 .Өнер алды  қызыл тіл.

                                                       2 . Әдепті бала арлы бала,

                                                       Әдепсіз бала  сорлы бала .

                                                       3 .Көз қорқақ ,

                                                       Қол батыр.

                                           4 .  Кітапты сүйіп оқы,

                                             Көңілге түйіп оқы.

                                           5 . Егінші  жерге қарайды

                                            Құс көкке қарайды.

                                                6 . Ақыл жастан шығар,

                                                Асыл тастан шығар .

                                                  7 . Білім инемен

                                             Құдық қазғандай .

                                             8 . Отан  оттан да ыстық .

IV тур  «Полиглот»

 Жұмбақ жасырылады , шешуі қазақ , орыс  тілдерінде  айтылады .

1 . Айдалада ақ отау

Аузы мұрны жоқ отау . (Жұмыртқа -яйцо)

2 . Ти тесем, тимейді

Тиме десем, тиеді . (Ерін - губы)

3 . Аспай піскен,

Қайнамай түскен .(Жеміс - фрукты)

4 .Сырт- сырт соғады ,

Уақыт озады .(Сағат - часы)

V тур . «Жеңімпаз » Соңында  ұпайы көп екі  оқушы қалады . Бір оқушы шығарылады .

Сұрақтар оқылады .

1. Қ.Р. Тәуелсіздігі қашан жарияланды ?  1991 жылы 16 желтоқсан
2. Дененің қызуын  өлшейтін құрал . Градусник.
3.  Адамдардың  қатынас  құралы . Тіл .
4. Ұзындық  өлшем  бірліктері . мм,см,м,км
5. Қазақтың  атақты  суретшісі . Ә . Қастеев
6. Біздің  туда не  бейнеленген ?  Күн , бүркіт, ою-өрнек .
7. Абылай ханның  шын аты . Әбілмансұр.
8. Адамның  қанын соратын жәндік . Маса .
9. Өсімдіктердің  мүшелерін  ата . Тамыр, сабақ,жапырақ , гүлі,тұқымы .
10.  Қазақ  тарихында тұңғыш  ғарышқа кім ұшты ? 1991ж . 2 қазан Т. Әубәкіров

Әділқазылар  шешімін  шығарады . Жүргізуші:   Міне, біз «Мыңнан  тұлпар, жүзден жүйрік» шыққан  ХХІ ғасыр  көшбасшысын  анықтайтын  кезге  де  жеттік.   Ендігі   сөз   кезегін  әділқазыларға береміз. (Жеңімпаз  оқушы  анықталады.)«Келешек  білімді ұрпақ  қолында» екендігін  Елбасымыз халқына жолдауында  атап   көрсеткен  болатын.   Еліміздің   ертеңі,  Тәуелсіз    Қазақстанның    кемел болашағын келешекке  жеткізер  осынау  озық  ойлы  ұрпағы  бар елдің   жалауы  ешқандай  еңкеймек  емес. Алдағы  уақытта  да  тек  қана  биіктерден  көріне  беріңіздер  деген   ізгі  ниетпен  біз  сайысымызды  аяқтаймыз.