Дәреснең темасы:   “Сыйфат” темасын гомумиләштереп кабатлау (дәрес-уен) Дәреснең максаты:   1.Сыйфат турында өйрәнгәннәрне гомумиләштереп кабатлау. 2.Язма һәм әйтмә сөйләмдә сыйфатларны таба белү күнекмәләрен ныгыту. 3.Логик фикерләү сәләтләрен, сөйләм телен үстерү. 4.Укучыларны матурлыкны тоя һәм аңлый белергә өйрәтү.   Җиһазлау: плакат, кроссворд, тестлар, картина, презентация,  модельләр, “Адашкан сыйфатны тап!” уены, сыйфатлар язылган карточкалар.   Дәреснең тибы: гомумиләштереп кабатлау.     Дәрес барышы.                    I.      Оештыру-мотивлаштыру этабы.   1.Дәрескә хәзерлекләрен тикшерү. 2.Дежур укучының отчёты. Һава торышы турында сөйләшү. 3.Картина буенча эш. Терәк сораулар ярдәмендә сыйфатлар белән хикәя төзү. -Рәсемдә нинди ел фасылы сурәтләнгән? -Көн нинди? -Кемнәрне күрәсез? -Балалар нишлиләр? -Алар нинди тауда уйныйлар?                 II.      Уку мәсьәләсен кую.   1.Кроссворд чишү. 2.Дәреснең темасын ачу.   -Димәк,бүгенге дәрестә без нишләрбез? (“Сыйфат” темасын гомумиләштереп кабатларбыз.)           III.      Уку мәсьәләсен чишү.   1.”Кыш килде” текстлары өстендә эш. Кыш килде.        Безнең якларга кыш килде. Җилләр исә. Һавада кар бөртекләре уйный. Аяк астында кар шыгырдый. Кыш көне бураннар да була.   Ап-ак кыш килде.        Безнең якларга ап-ак кыш килде.Салкын җилләр исә.Һавада матур кар бөртекләре уйный.Аяк астында ак кар шыгырдый.Кыш көне көчле бураннар да була.   -текстларны уку; -текстларны чагыштыру; -аерымлыкларын табу; -нәтиҗә ясау.   2.Сыйфат турындагы белемнәрне искә төшерү. -сыйфатның лексик мәгънәсе; -сораулары.   3.Бирелгән сыйфатларга исемнәр уйлап языгыз.   Акыллы,түгәрәк,кышкы,хәйләкәр,яшел,кызыл,баллы,усал,иртәнге,куркак, эшчән,шакмаклы,сары,кичке,зәңгәр,тәмле,кояшлы,зирәк,болытлы,кара, киң,яңгырлы,тозлы.   4. “Сыйфат” темасын кабатлауга тест белән эш.   -Тест сорауларын уку;   1. Сыйфат нәрсә белдерә? v Предметны; v Билгене; v Хәрәкәтне.   2. Сыйфат нинди сорауларга җавап бирә? v Нишли? v Кем?Нәрсә? v Нинди?   3. Кайсы сүз артык? v Яшел v Кызыл v Хәйләкәр   4. Алма сүзенә кайсы сыйфат туры килми? v Баллы v Акыллы v Яшел   5. Кайсы җөмләдә сыйфат юк? v Мин бүген бик иртә тордым. v Тиздән кышкы каникул җитә. v Алсу матур күлмәк кигән.   6. “Кышка куян ... йонын коя.” җөмләсендә кайсы сүз төшеп калган? v Соры v Калын v Ак   -укучыларның мөстәкыйль эшләүләре; -эшләрне парларда тикшерү.     5.Дәфтәрләрдә эш   1)матур язу күнегүе. -табышмакның җавабын табу; -сүз турында мәкаль уку,мәгънәсен аңлату; -җавапны һәм мәкальне матур язу күнегүе итеп алу.          2)Иҗади эш. Бирелгән текстка сыйфатлар куеп язу.                        -укучыларның мөстәкыйль эшләүләре;                        -эшләрне тикшерү.үзбәя. 6. “Адашкан сыйфатны тап!”уены.   Уку әсбаплары арасында бер сыйфат адашкан. Ул нинди сыйфат?   7.Җыр тыңлату.     -җырдагы сыйфатларны табу;     -сыйфатлар белән җөмләләр төзү           IV.   Модельләштерү.   Сыйфат предметның билгесен белдерә,нинди? кайсы? сорауларына җавап бирә.     -Нинди билгеләр белдерә?                V.      Рефлексив кабатлау.Үзбәя.   Һәр укучы үзенә бирелгән билгегә сыйфат яза.           VI.      Йомгаклау.   1.Укучылар хезмәтен бәяләү. 2.Өйгә эш бирү.        Җырдагы сыйфатларны кертеп әниегез турында хикәя язып килергә.