«Тапқыр достар» сайысы Жүргізуші:    Құрметті ұстаздар, оқушылар және көрермендер! Қайырлы күн, бүгінгі сайыстың құрметті қонақтары! Бүгінгі 6 сыныптар арасында «Тапқыр достар» атты географиялық сайысқа қош келдіңіздер! География – қоршаған ортаны танып білу. Олай болса, бүгінгі сайыс барысында осы география саласы бойынша оқушыларымыздың ой-өрісін, білімдерін, ақылы мен ептілігін сарапқа салатын боламыз.                                    Біреу озса сайыста, біреу артта қалады.                                    Ренжіспей тараса, озбағандар жарады.                                    Жарыс заңы ежелден – жеңімпазды анықтау                                    Озат болу шарты сол – еңбектену, жалықпау. Ендеше, ортамызға география пәні бойынша ерінбей еңбектеніп, үнемі ізденіс үстінде жүретін алғыр оқушыларымызды шақырайық.  6 «А» сыныбы  6 «Ә» сыныбы 6 «Б» сыныбы 6 «В» сыныбы   6 «Г» сыныбы   Сайыскерлер сіздерге тек сәттілік тілей отырып ойынның шарттарымен таныстырайын:   І кезең – «Өзін-өзі таныстыру»   ІІ кезең –  «Жұмбақтар шешу» сайысы   ІІІ кезең – Ойлан тап (сайыскерлерге бір сөз беріледі, сол сөзден әр түрлі сөздер шығару)   ІV кезең – Географиялық диктант   V кезең – Почта ойыны   VІ кезең – Мені түсін   VІІ кезең – Ең, ең, ең ...   VІІІ кезең – Бәйге   Алғашқы 4 кезеңнен кейін ұпай саны аз топтармен қош айтысамыз. 5-6 кезеңдерден кейін тағы да бір топты ойыннан шығарып саламыз, 7-8 кезеңде қалған екі топ бақ сынайды. Бүгінгі ойынды бағалайтын және сын беретін әділқазылар алқасымен таныс болыңыздар: